ماكنش حب

يمكن يكون القلب كان بيدور ع الامان
يمكن كان مستنى حد يلاقى معاه حنان
جايز كان نفسه يعيش يومين فرحان

يمكن فِرح بكلمتين حلويــن
وكان نفسه يبقى من العاشقين
يمكن لقى فيك حياته
وعاش معاك فرحة سنين

يمكن .. جايز .. احتمال
ماهو الوصول للجنة مش محال
ولو الدنيا ضاقت بينا يوم
بنهرب ع الخيـــــــــــال

بس الاكيـــد .. ماكانش حب
ولا حتى كان عذاب وغلب
كان اى حـــاجة ...

كان وردة حلوة فى الخريــف ..
كان كلمة .. بين سطور مليها الخوف
كان دمعة .. مش حزينة
كان اى حاجة ... غير انه " حــب "

كان ذكرى حلوة عشت فيها
كان احلام .. لقيتنى بيها
كان .. و كان .. وكان ...
كان اى حاجة غير انه " حـــب "

Rose

:)