غنوتين متناقضتين فى فرق زمنى اققل من ساعة

 كانوا يوم 29/5/2011 

 متحير يا قلبى ليه !!
ده الشوق باين عليه
واللى مخبيه جواه
قالتلى عليه عنيه

خايف يقولهالى
مش عارف انه فى بالى
وان اللى جراله جرالى
وانى ياما حلمت بيه


انا قلبى قبله كان ناسى الدنيا
وبعد ماحابه بقى حاجة تانية
والدنيا بتبقى جنة
لما بشوف عنيه


حبيته اه حبيته
من دنيتى اتمنيته
من كل قلبى هويته
وكمان بحن ليــه


وبقول للناس والدنيا
حبك ده حاجة تانية
والشوق اللى فى عنيك
ايوه انا حاسة بيه

متحير يا قلبى ليه !!
ده الشوق باين عليه
واللى مخبيه جواه
قالتلى عليه عنيه

ودى التانية اهه :))

 غلطت واتسرعت
لما قولت فى يوم بحبك
غلطت
لما قولت انى عشقتك

كنت فاكرة انك حبيبى
وان مكانى هو قلبك
وان لما انا اللى اقولها
انت كمان هتقول بحبــك


بس لقيت ان انا غلطانة
على حبك انا ندمانة
انا بعترف
انك صحيح كنت حبيبى
بس خلاص مابقتش احبك


غلطت
لما بوحت بسر قلبى
وانت قلبك داس على حبى
زودت جرحى

انا بعتذر ليك وليا
على كل لحظة حلمت فيها
ان انت ليا
من النهاردة .. قلبى بايديا

غلطة ومش هتتكرر
على جرح قلبى هدوس وهقدر
هنسى حبى ليك
وهنسى جرحك ليا
هعيش حياتى زى ماهيا