بكره جــى
جى اجمل م اللى راح
بكره جى من غير جراح
بكره لينا
بتاعنا احنا
بكره جاى شايل فرحنا
بكره مافيش وعود وكلام
بكره نحقق الاحلام
بكره نتحدى الزمان
ايوه بكره ..و مش مجرد كلام
بكره اللى مات راح يصحى
والجراح هتنام
بكره الحياة هتبقى حلوة
راح نشوفها بالالوان
بكره يا قلبى انا وانت بس
هنكون فى الجنة
وهتشوف .. وتحس
ان بكره .. بتاعنا بس
ايه يعنى لو مرة انجرحنا ؟!
ايه يعنى لو ماجاش آوان نجاحنا ؟
ايه يعنى !! .. مابكره جاى
بكره جاى شايل فرحنا
على صوتك ..
قول يا " بكره "
انده عليه ..
تلاقى الف فكرة وفكرة
تلاقى نهاية لمر ذكرى
تلاقى حياة .. بلون الفرحة
عارف ليه ؟؟
ايوه عارف
علشان ده " بكره "
بكره ده يعنى الحيــــــاة
يعنى امل من غير آآه
يعنى روح نقية طاهرة
يعنى " بكره "
بكره ..
يعنى الوردة اللى ف يوم
دبلت من كتر الهموم
تصحى تانى من جديد
تفتح مع شمس يوم سعيد
يعنى ترجع حاضنة بكره
بكره لينا ..
بتاعنا احنا
بكره جاى .. شايل فرحنا
14/11/2011
0 التعليقات:
إرسال تعليق