زمـــــــــــــــــــــــــــــــــــــــــــان
نتيجتى بانت النهاردة
علشان كده انا فرحان
عديت التسعة وتسعين
وراح ادخل طب كمان
روحت افرح بابا وماما
قولت انا هدخل طب يا ناس
نصحونى كتير وقالولى
هتفض لدايما محتاس
خليك يا ابنى فى صيدلة احسن
بدل ما تعيش بعيد عن الناس
قولت انا مالى
لا ده حرام الطب حياتى
وفى احلامى
لو ما دخلتش يعنى مماتى
قالولى خلاص ياابنى براحتك
كنا بس عاملين على راحتك
واوعاك ترجع يوم وتشكى
وتقول انا دمرت حياتى
ركبت العند وساقنى دماغى
كتبت طب اول رغباتى
مش اى طب دى طب شبين
بناء على طلب الوالدين
يعنى قسمنا البلد بلدين
انا قولت وماله
مالها شبين ؟
كلها دكاترة حلوين
يعنى زى ما كنت فاكر
بس لقيتهم ......... اه حلوين
ومرت الايـــــــــــــــــــــام
اول اسبوع عدى تمام
تانى اسبوع قالوا استعد
لديك امتحان اناتومى يا مااان
امتحان ؟ لا مافيناش من كده ؟
انا مش عامل حساب لكده
قالوا اجبارى يا بطل يا همام
دخات وفوضت امرى ع الله
كانت الدرجة الحلوة مفاجاة
قولت قشطة حلو الطب
وللاناتومى ازددت حب
وبعديــــــــــــــــــــــــــن
قعدت شهر لا قولوا اتنين
تايه حيران بين اكتر من كتابين
خلصوا ولا اعرف فيهم سطرين
قولت وماله مسيرى افهم
والدنيا راح تبقى احسن
جاتلى الصدمة وراها التانية
ولقيتنى تايه وفى دنيا تانية
عدى التيـــــــــــــــرم
فجأة كده وفى غمضة عين
لقيتنى تايه فى مادتين ؟
مادتين !!! لا لا ما تبقاش كداب
دول كانوا 4 واهه كله عذاب
من صدمة لصدمة يا قلبى لتحزن
امتحانات فى امتحانات ولدرجانك عمال تخسر
اهئ اهئ خلاص اهى خلصت
سنة اولى وجت الامتحانات
دخلت اناتومى وكلى امل
هحل يا ناس واجيب تقدير
لقيت قدامى كتير وكتيير
ست كتب لوغاريتمات تشفير
بس اهه زاكرت وتعبت كتير
اسبوعين فى معسكر مغلق
وكأنى رايح ابقى وزير
صحيت الصبح يا ناس مفزوع
من نومى قومت وقولت هروح
لامتحان ورب يوفق
وادخل احل واجيب تقدير
مسكت الورقة وقعدت اضحك
جالى هستريا
شوية وقلبت معايا زهايمر
يا سلام بقى حبة جنان
ما الورقة كانت ....... اخر تمام
كل سؤال سطر وكلمة
لا ونسيت ولا فاكر كلمة
روحت اعيط
قالولى ايه ؟ دموع الفرحة ؟
قولت اه من الفرحة هظقطط
طبعا هزار
عرفوا الحقيقة للاسف
قالولى بكل اسف :
انت اللى حمار ......
دخلت طب بسوء اختيار
وفضلت انا ساكت محتار
ياترى فعلا سوء اختيار ؟
يعنى .... انا حمار ؟
ولا الزمان هو اللى غداار !!
توقيع : حماااااار
Doc RoSe
Aya Ali
3 التعليقات:
نصيحة للصغيرين : ما تعملوش زيى خاااااااالص
ليه بس كده
خليكي متفائله الاكتئاب ده مش بيفيد ده بيضر وقولي يا رب هتلاقيه دايما جنبك
ربنا معانا كلنايااااااارب
الايام السودا لسا بدري عليها
(دكتور من هاي سكالز)
يـــــــــــــــــــــــــــــــارب معانا كلنا باذن الله
إرسال تعليق