رثاء حلم

الحكاية فى كلمتين مش اكتر

حلم صغير كان بيكبر

حلم كان ع النور بيدور

حلم .. غير كل الاحلام

فى كلمتين ،

علشان مافيش اصلا كلام

عن ده حلم يقدر يعبر

قال ههاجر

ارض تانية فيها اعمر

لما اسافر ..

يمكن اقدر

سلام ياامى هتوحشينى

ابقى عنك طمنينى

وصلى سلامى الابويا

وادعيلى بحلمى ارجع

يمكن اقدر L

الوداع يا اغلى صاحب

غصب عنى انت عارف

كنت شايف

كنت شاهد ع المتاعب

سامحينى يا حب عمرى

ودعينى ..

قبل ماامشى ،

نفسى تشبع منك عينى

كان نفسى اقولك تستنينى

بس ازاى !!

ده انا اصلى راحل L

ماانا مش هقدر

الحلم اصله مايتاجلش

والا كان مايتحلمش

ما انا لازم اقدر

لازم اكبر

لازم ابقى شئ فى حاجة

لازم ، وهقدر

ياترى ده العادى !!

يبقى الموج فى البحر هادى !

كنت خايف تبقى عالى

مااقدرش ارحل ..

يامركب الاحلام استنى

هدى ليا علشان اعدى

واحجزيلى جواكى مكان

ده انا روحى فيكى من زمان

حلمى بيكى ،

هوصله بيكى

وانا هقدر لو فى ابعد مكان

اااااااااااااااه

ماكنش حلم ..

كان خدعة ، وهم

كان سراب

عـــــــــالى فوق السحاب

او يمكن ......

لا اكيد ماكانش حلم

فى مركب الاحلام

وبحر الاوهام

الموج اللى كان شكله هادى ،

كان معادى

كان بيسرق منى فرحة

يرمى حلمى فى مية مالحة

ويقولى عوم ..

عدى البحور .

مش ده حلمك !

عدى يلا واوعى تغرق

ولان الحلم ماتتأجلش

مااترددش ..

ورا حلمه عااام

ماخافش يغرق ..

وبكده نقول النهاية

الحلم الصغير مات

بقى زكريات

ايوه رجع ..

لكن لعالم الاموات L

ياولدى ببكى ع اللى راح

لا دمعى ينشف

ولا بتطيب الجراح

مع السلامة ياابن عينى

مع كل سجدة .. بدعى ترتاج

ع الجنة ياابنى

مع اطهر الارواح ...

Doc Rose

11/1/2012