حكايتى مع تانية طب الجزء الاول ( او تيرم اول )

حكايتى مع تانية طب (1)
من البداية نحكى الحكاية
ولا نكمل الرواية ؟؟
نكمل حكايتى مع العذاب
يوه .. قصدى سنينى الهباب
يوووه قصدى مع الطب ياناس
ماعلش .. ده تلف فى الاحساس
راحت دماغى وكل الحواس
المهم
بعد امتحان اناتومى تمام
كانت النتيجة ... اوو جنان
ماتخافوش ماتخافوش
ماتقلقوش ماشلتهوش
ماعلينا ماعلينا
المهم اننا عدينا
على تانية دخلت وكل حماس
هزاكر ورتب زى الناس
اقل تقدير عندى امتياز
بس لقيت الصدمة شديدة
وانا مع كل محاضرة جديدة
عندى امتحان
اسبوع بيجر التانى
ضاعت منى كل الامانى
بس ايه في امل

الفسيولوجى .. ده لوحده حكاية
كل كتاب فى اصله رواية
افهم موتور ولا سنسورى !!
تصرخ دماغى تقولى " أنسي "
ولا ال vision by the eye
خالتنى منها قولت جـــــــــــاى
endocrine no no kidney
ماهو اصل ياناس ده اللى كايدنى
اصرخ ولا حد سامعنى
آآآآآه ياولدى ياابنى !
مش مهم مش مهم
مش عايز اشيلكوا الهم


تانى الحكاية من البداية
الهســــــتولوجى
بيقولوا عليها مادة سهلة
الكلة شايفها مش مستاهلة
وقفت مبلم
مش قادر اتكلم
رديت بكل تناكة وقولت :
ايوه فعلا مش مستاهلة
مسكت الكتاب وقولت جايز
كل شئ فى الطب ممكن
قولت هفهم
جايز ... يمكن
بس لقيت فعلا مش ممكن
قالوا تعالوا هنرسم رسمة
هنعلمكوا فيها القسمة
قسمة آه قسمة
هنقسم خلايا صفوف
نرسم دواير بالالوف
نرسم نقط أشكال حروف
ساعتها رفضت لقب حمار
استبدلته بأربع حروف
تفتكروا ايــــــــه ؟؟
اكيد خروف
اصل الرسم ده فن ياناس
عايز موهبة ، عايز احساس
وانا زى ماقولت
جالى تبلد..
تلف فى الاحساس
يــــوه تانى آسف
انا شكلى هشيلكوا الهم
تانى الحكاية من البداية
البيو آآآه من البيو
هى دى ..
كنت داخل عليها ناوى
اصل كنت فى يوم هاوى
كنت غاوى
قالولى " خلى بالك ياابنى "
فى الكيمياء هنهد ونبنى
نبنى الاساس ونزرع بذرة
علشان تقدر تستنتج فكرة
قولت ياريت ده حلم حياتى
هفضل عايشله لحد مماتى
فجأة الحام لقيته كابوس
كلام غريب
عجيب مريب
حيت انى فى دنيا تانية
مش قادر افكر ولو لثانية
مش مهم مش مهم
  مش عايز اشيلكوا الهم

تانى الحكاية من البداية
اناتومى مالوش نهاية
مش هتكلم عنه كتير
لان ببساطة ومن غير تفكير
الامر كان فعلا خطير
المهـــــــــم
ارجع تانى واقول
لكل اصحاب العقول
ان صاحب الاختيار
من البداية - كان حمااااار
عفوووووا ... خ ر و ف

توقيع :
حمار كان اصبح خروف
Doc RoSe
Aya Ali