جارتى المسيحية

فى يوم لقيتها لابسه اسمر

جاية تناديلى وتبكى

بتقولى شوفى اللى جرالى

جاية تشكى جاية تحكى

قولتلها ما يعرفوش

مايعرفوش اننا

كـــــــــــــــــــلنا 

يد واحدة من ايام جدك وجدى

وقعدنا سوى نحكى

وافتكرنا كل اللى كان

من زمان

قولتلها فاكرة

لما عم محمد مات

فاكرة ايه اللى يومها كان ؟؟

قالتلى ايوه

الدمعة مافرقتش عيونا 

قولتلها لا شكلك نسيتى

كان يومها فرح مريم .. خطوبتها

عم مينا ساب فرحه وراح يعزى

وقفوا الاغانى والفرحة

احتراما للوفاة ...

علشان بجد كنا وطبعا مازلنا

يد واحدة .. عيلة واحدة

انا وانتى اخوات

النهارده انا واقفة جنبك

مش ناسية حاجة من اللى فات

وقعدنا نحكى فى زكريات

قولتلها فاكرة

لما كنا زمان عيال

من قربنا ظنونا اخوات

ردت عليا وهى بتنشف دموعها

قالتلى فاكرة ايوه فاكرة

قالتلى فاكرة العيش والملح

بيتنا واحد حالنا واحد

فاكرة دايما فى همى

كنتى انتى واقفة جنبى

كنتى معايا دايما ورايا

فاكرة ايوه فاكرة

يوم فرح اختى الكبيرة

مين اكتر حد فرحلها 

مين اللى وقفت جنبها

قولتلها ايوه وقتها

انا اللى كنت اختها

قولتلها فاكرة لما بيتنا اكلته الحريق

فاكرة ايه اللى حصل وقتها

مين اللى يومها بكيت فى حضنها

مين كنت بقعد عندها !!

قالتلى فاكرة ايوه فاكرة

كنا سوى

فرحنا واحد جرحنا واحد

دلوقتى بس اقدر اقولك

ان جرحى ده من جرحك

النهارده انا معاكى

هنقول سوى للعالم كله

احنا واحد

حالنا واحد

فرحنا واحد المنا واحد

كـــــــــــــــــــــــــــــــــــــــلنا واحد

4 kolena Wa7ed day

 من اجل حملة هلال وصليب

BY 

AYA ALI 

(ROSE)