بينى وبين قلبى حوار

ارحمنى يا قلبى من الشكوى وما تتكلمش
سيبك من الآه .......واياك ما تتحملش
سيب الدمع فى حاله .......سيب الجرح بعيد
بلاش الطريق ده .......ارجع وما تكملش
سيبك من اللى يقولك حب
سيبك من اللى يناجى القلب
سيبك من دمع وآه وجرح
سيبك .....اسكت ...........وما تتكلمش



اسكت ايه وانا لازم اصرخ
حزن ايه !!! انا لازم افرح
حد يقول للفرح بعيد
حد يبقى بجرحه سعيد ؟؟
ازاى سيبك ازاى اسكت وما تتكلمش ؟؟





تانى هقولك من جديد
مين قال انى بجرحى سعيد
بس انا خايف ......خايف عليك
اصل انا عارفاك ما بتستحملش



ارمى ع الله همومك واصبر
قول سلام لدمعة واه
ودع جرحك كمل وانساه
واوعى ف يوم تانى تقولى
سيبك واسكت وما تتكلمش












للاسف التفاؤل انتصر ف الاخر بينا ودا غلط