غنوة :)

واحب لما افتح عينى
اول ما اشوفه يكون صورتك
صوتك يرن فى ودانى
ولسانى ينادى على اسمك
والاقى الفرحة ف عنيا
تلمع ، وتقول .. ايوه هيا
حلم السنين والعمر اتحقق
عيلتى خلاص بقت عيلتك

يا بسمة ف القلب استنى
بصى معايا فى عيونها
بس اوعى تغرقى منى
ماانا اصلى دايب فى بحورها
غرقان .. العوم نسيته
غرقان .. يمكن هويته ^_*
وفى كل سجدة فى عمرى دعوة
يارب انتى اللى تبقى ليا

يــــارب حمد وشكر كتيــر
حلمى صغير ، وانت كنت كبيــر
يارب ديمها عليا نعمة
يارب واكتب لينا خير
يارب مش طماع لكن
طالب من فضلك كمان
ولد صغير او بنوتة تشبهها
ملاكــ غير اى انسان
يارب عطر بالايمان توبها
يارب وابقى فى الصلاه امامها
يارب فى الجنة اجمعنا
وتبقى بردوا ليا زوجة

Doc Ro0Se 
11/5/2012

قسم شهيد

أمـــاه لا تجزعى
فالنصر آت لا محالة
ارجوكِ .. لا تخضعى
فان تنكسرِ .. استحــــالة
فلتصمدى ولتجلدى
ووالله ذى الجلالة

اقسمت الا انام
الا ترتاح الجفون
قبل ثأر امتى
ومن فى دمائهم غارقون

امــاه بين يديكِ فلتشهدى
على الصغير الذى رحل
اقسم بنصرك ان يعود
او الى الجنة يرتحل
شهيــــداً على يد جلاد
او سفاحٍ .. او من لا بشر

اقشمت الن يطول انتظارك
اقسمت ان بدمى سأطفأ نارك
واعدك ان انتقم
ممن كــان بشارك

فلتهدأى
ولتمسحى عن عينيك دمعهما
ولتعلمى
انى فدائك فى المهالك
وليستكين من تحت ترابك قد ناموا
ولتخبريهم اننى
بدمائى سأروى اشجارك
واعيد الى عينيكى بسمتها
واسير على درب ابطالك
فاما شهادة وجنــة ،
او الامان والعزة
عروس تزف الى دارك

استودعكِ انا وامالى واحلامى
فان عدت .. فهى بالنصر اشهى
وان لم اعد .. فوالله لانتِ منى اغلى


ٌR0Se
13/3/2012

 

ولأنّـا كنا حتما سنفترق

ولانّـا كنا حتما سنفترق

تركتها
ودموعها لؤلؤات تنفرط
من عقدها
وعيونها بحر يفيض بالاسى
وجراحها
صارخات .. بالانين تختنق

تلومنى بذكريات تائهة
فى طيات نسيانى
تذكرنى بكلمت عابرة ..
وتحاسبنى
عن ذللات للسانى

واستبدلت بهدوئها البركان
صبت علي من غضبها
وكأنه الطوفان
وسمعت لسهامى صوتاً
ينفذ من اسوار قلبها
وكأنى نار او حجر
بكلمتى " سنفترق " اصبتها ..

أبشر انت ام صنم ؟
ألك قلب ام انعدم ؟!
اتدرك ما قلت ام انك ..
جاهل بكل معانى الكلم .
هل قصدت وكنت الواهمة ..
ام ان هــذا هو الوهم ؟؟!!

وأخذت تهذى بكلمات
كـ ليتنى وليتنى
تمزقنى لأشلاء
اذ تنطق " جرحتنى "

تسألين عن التفسير
عن سببِ !!
لما الفراق وما ذنبى !!
آآآآآه حبيبتى لو تعلمين
أنك الحياة والغد والسنين
آآآه لو تسمعين فى قلبى
بكاءاَ وصوتاً للانين
اقسم – وليتك تصدقين –
ان فراقك يقتلنى وانكِ
حتما بقلبى ستبقين
حبيبتى ، ومعشوقتى
دومــاً لا الى حين

عودتنى ان تغفرى تسامحين
وبقلبك النقى ..
عن ذلاتى تصفحين .
فلتكن تلك آخرها ولتغفرين

حبيبتى
سامحينى حين ارحل
لاجلك
سأرحل ولن ارحل .

ارجوكِ لا تسالى
دعينى ارحل فى هدوء
وليبقى سرى غارقا
فى بحورٍ من مجهول
وليبقى جرحى مقدراَ
واظل على امرى المغلوب
ولأبقى دوما حالمــاَ
بيوم يشاء القدر .. وأعـــــود


D0c R0Se
23/3/2012

بغير

انا مش ملاك وبغير
زى البنات كلهم
مهما تقول وتعيد
اهو هو ده طبعم
طبع البنات قاسى
والغيرة ف دمهم

اوعى فى يوم تفتكر
ان العلام ينفع
ولا ثقافة وحضارة
ولا حتى ايه يشفع

اوعاك فى مرة تجرب
تخلى بنت تغير
هتكون بالنار بتلعب
هتضرب .. وبكــل ضمير >_<
وانا برده واحدة منهم
ولما احب .. بغيــــــــر

مهما تقول فى كلام
الف ومية تفسير
ميهمنيش كل ده
وتبقى النتيجة ... بغيــر

ست البنات كلهم
واميــرة فوق عرشهم
وانت بقى تاجى
واللى يقربله
يـــارب تغفرلهم

دول " كانــوا " طيبين
ولا كانوا يعرفوا
ابدا ماكنوش قاصدين
كبــروا بقى وخرفوا



الله يرحمهم بقى :D :D

just 4 fun
 1/3/2012

 

مش طفل شارع

ذنبى ايه انا !

الدنيا هيا السبب
يمكن انت .. مش انا
ده الصبر منى غلب
الدنيا رافضة وجودى
وعليا دايما تييجى
طب واعمل ايه انا !!!

انا كنت اعرف منين
ان الزمان ده لعين
وانى لما اتولد ..
هلاقينى بين رصيفين !؟

مش ذنبى .. اه مش ذنبى
ذنب اللى سرق ونهب
ذنب اللى ظلم وغلب
ذنب اللى خلى ابويا
يرمينى لما غلب .

" طفل شارع " لأ غلط
لا انا كنت طفل
ولا فى الشارع اتولد

ماهى طفل يعنى براءة وامان
يعنى الحياة فى عيونه بالالوان
يعنى زهور وربيع وحياة
يعنى عيلة ودفا واخوان
يعنى لما اقول الآآآآه
الاقى فى حضن والدى امان
الاقى كف امى فوق جبينى
وقبل الدمعة ماتنزل من عينى
اغرق فى بحر من الحنان
يبقى غلط
لا انا طفل
ولا فى الشارع اتولد

اوعى فى يوم تلومنى
لو شوفتنى بسرق
اوعى تتخض منى
لما اقتل يوم وانهب
هتستغرب وتقول ده مين !
انا .. اللى انت زرعته بايديك
لما سكتت على ظالمين
لما قعدت وقولت انا مالى !!
بعيد عنى والمسامح كريم

لأ .. مش بعيد
والدور جايلك اكيد
على ايدى انا
هقتل من عيالك ولد
واسرق واعيد
سيرة " حرامى " من البلد

واوعاك تقولى حرام
مش ذنبى ، او ده انا غلبان
لا فى يوم سرقت ولا قتلت
ولا جيت على انسان

ماانا قولتلك
ذنبك لما سكتت زمان
القدر بيخلص منك
تار اللى " كان " غلبان

امضاء :
كنت طفل وبقيت ف شارع >_<

13/3/2012

نص قلب

بنص قلب
استحالة تعيش تحب
استحالة تلقى نفسك
ع الطريق اللى تحب
استحالة ف الحياة تقدر تكمل
استحالة يبقى بكرة فى مستقبل
استحالة
استحالة الحلم يكبر
استحالة انك هتقدر
بنص قلب
نص دقة ونص نبض
نص عيشة ونص حلم
استحالة انك تكمل
نص عايش نص مات
نص يصرخ وبيتكلم
ونص مخنوق م السكات
نص تايه
نص ضايع
نص مش لاقى الطريق
نص رايح
نص بايع
نص مش عايز رفيق
نص رافض يبقى عايش
ونص مش عايز يضيع
نص قلب
نص دقة ونص نبض
نص روح وروح تروح
نص بايع ..
ونص ماسك فى الطموح
نص كلمة
نص بسمة
بنضيعه ونقول دى قسمة
استحالة
استحالة بنص قلب
استحالة تعيش تحب
استحالة تلاقى نفسك
ع الطريق اللى تحب


Rose
5/6/2012

مش هتكمل علشان نص قلب

حين اشتاق

وهكذا حين اشتاق

حين يضرب اعماقى
طوفان الاشتياق
حين افكر
حين احلــــــــــــــم
وحين اغوص فى الاعماق

هو الشوق يحملنى اليكِ
يحرقنى
يزلزلنى
يجعلنى اندفع فى الافاق

أسراب انتِ ام الحقيقة !
ابعينيا اراكِ ؟!!؟
وحقاُ فؤادى قد هواكِ !
ام انك صورة فى خيال مشتاق

من انتِ ! فلتخبرينى
فلتعلمينى وعلمينى
كيف فنون الاشتياق !
كيف املك قلب عاشق
لا يهوى الاندفاع
كيف قلب
لا اشتياق ولا اوجاع


علمينى كى اغوص
فى بحورك بلا غرق
علمينى ..
كيف حب بلا ارق
كيف انسى فى البعد السهر
وكيف اعشق ليلالى السفر !
علمينى سيدتى ان اعيش
علمينى ..
كيف اقتل اشتياقى .
اخبرينى من اين السبيل
وكيف الطريق الى خلاصى ..
مكبل انا فى قيـــود
لا حديد ولا اسوار
اسير .. ينتظر النهــــار

لا لا ، بل اتركينى حتى اشبع
حتى اختلس المزيد
امهلينى حتى تطرح
بذرة الشوق العنيــــــد
واتركِ فى القلب مأوى
لاملٍ فى غدٍ جديد
اعذرينى فأنــا
حقا لا اعلم ما اريد

هل اريد ان ابقى
اسيرا فى دنيا هواكِ
حالمــا بيوم القاكِ !
ام هو الخلاص قد اقترب
لينتزع قلب صغير ..
من بحور الاشتياق ..


Doc Ro0Se
25/5/2012
2:55 Am :D

حكايتى مع تالتة طب

حكايتى مع تالتة طب

وتستمر الحكاية

لبداية من غير نهاية

قولنا خلاص بقى راح نرتاح

بعد الاناتومى نلاقى براح

هننسى خلاص كل اللى راح

علشان نكمل الحكاية ..

وابتدينا

مشوار طويــــــــــــــل

قالوا جميل

قالولنا فى تالتة تجيب تقدير

واتاريه  " تكــدير "

طب نبتدى منين الحكاية !!

ممم

اه حبيبتنا الفارما

والجواب م العنوان باين

يعنى " فرم " واصحى يا نايم

شيد حيلك زاكر واتعب

قبل ما تغرق فى البحر يا عايم L

ذاركت ذاكرت ذاكرت نسيت L

اعمل ايه ؟

هو ده ذنبى ؟

ان انا للفارما فليلة هويت !

طب ادينى طبيت .

قالولى هتعوض

عليك بالبارا

مادة سهلة ودرجات جبارة

تقدر فيها تجيب تقدير

واتاريها الحلوة كمان بتطير L((

جاب حاجتين وقالى يا ولدى

آدى ناموسة وآدى دبانة

دى نمرودة ودى بقى غلبانة

واحدة بتقرص واختها بتعض

واما تشوف برغوت ومعدى

تعرف ده بتاعك ولا من الارض  0_O

واوعاك تنسى

آدى قملاية وآدى مامتها

وآدى البيضة وآدى صاحبتها

دودة طويلة ودى حكايتها

لفت بيها دروب الارض

آدى جناح وآدى رجلين

ده يبقى وريد ودول عنين

واحفظ بقى بالظول والعرض

قعدت اصرخ يا ناس وآهاتى

الحقــــــــــــــــــــــــــــــووووووونى

ومن الديدان دى ارحمونى

قالولى خلاص يا عم بلاش

والباثولوجى يا ابنى اهو آتى

الباثولوجى وآآآه من الباثو

كانوا بيقولوا ده اجمل مادة

اللى يقولك احلى امتحان

واللى يقول وتصحيح كمان

والنتيجــة ...

اتنفخنا فى الامتحان

والتصحيح .. شكله كده جنان

مسكت الورقة يمين وشمال

مش عارف ابدأ باى سؤال

ماهو كل طار طار

واللى اتحل حبه بتنجان L

اضحك طيب ولا اعيط !

ارسم بسمة ولا اصوت !

تايه وياك يا باثو مش عارف

انت حقيقى !!

ولا كان ياما كان .

طيب وانا ؟؟

انا لسه عايش !

ولا بقيت فى خير كان ؟! L

طب هعمل ايه !

ما بقاش قدامى غير الميكرو

بس دماغى هتعمل ايه !

سبت الدودة لقيت بكتريا

قعدوا يقولوا عصاية وكورة

طبق فاضى .. وميديا معمورة :P

واحدة طويلة واختها كعبورة

والرسمات بقى بالالوان

ازرق واحمر

اخضر واصفر

واهو كله يا عمو شغل جنان

احفظ عبىى

وادهن مخك بالالوان

عايز تفهم !! يبقى تشيل

لازم تحفظ ومافيش بديل

ومشيت فى بلاد الله الواسعة

عالم ميكرو مالو حدود

اقول الحق ! ايوه استفدت

انى اخيرا سبت الدود L

مش متفائل او متفائل

مش هتغير فى الموجود

وفى النهاية

هتستمر الحكاية

ده عذاب الطب مالوش حدود ....

I <3 medicine

Doc Ro0Se

23/6/2012